Hafeez Hoshiarpuri
gar us ka silsila bhi umr-e-javedan se mile
kisi ko ḳhaak sukun marg-e-na-gahan se mile
koi zamin se bhi pahuncha.e asman ko payam
payam ahl-e-zamin ko to asman se mile
ḳhud apni gum-shudagi se jinhen shikayat hai
tu hi bata unhen tera nishan kahan se mile
suragh-e-umr-e-guzishta mile kahin se ‘hafiz’
suragh-e-umr-e-guzishta magar kahan se mile
Leave a Reply