Cba Fb A Dddba
saneha ye bhi ik roz kar ja.unga
vaqt ki palki se utar ja.unga
apne TuuTe hue ḳhvab ki kirchiyan
teri asuda ankhon men bhar ja.unga
raushni ke safine bulate rahen
sahil-e-shab se ho kar guzar ja.unga
ajnabi vadiyan koi manzil na ghar
raste men kahin bhi utar ja.unga
mere dushman ke dil men jo barson se hai
vo ḳhala bhi main ik roz bhar ja.unga
doston se mulaqat ki shaam hai
ye saza kaaT kar apne ghar ja.unga
Leave a Reply