Poet
qalam se rabta-e-rang-o-ab TuuT gaya
kisi musavvir-e-fitrat ka ḳhvab TuuT gaya
ye dil ki sang na tha ek abgina tha
na la saka tire jalvon ki taab TuuT gaya
saval ye hai ki main ne kisi se kya paaya
javab ye hai ki barson ka ḳhvab TuuT gaya
hua vo mujh se muḳhatab to yuun laga jaise
koi sitara-e-gardun-rikab TuuT gaya
usul-e-amad-o-raft-e-bahar kya kahiye
kali jo shaḳh pe aa.i gulab TuuT gaya
ghazal ke sher jo rusva-e-intiḳhab hue
bharam nazar ka pas-e-intiḳhab TuuT gaya
rah-e-havas men thi haa.il zamir ki avaz
magar taqaddus-e-ahd-e-shabab TuuT gaya
Leave a Reply