Sufi

Aap Ki Hasti Mein Hi Mastur Ho Jata Hun Main

aap ki hasti men hi mastur ho jaata huun main

jab qarib aate ho khud se duur ho jaata huun main

daar par chadh kar kabhi mansur ho jaata huun main

tuur par ja kar kalim-e-tur ho jaata huun main

yuun kisi se apne gham ki dastan kahta nahin

puchhte hain vo to phir majbur ho jaata huun main

apni fitrat kya kahun apni tabiat kya kahun?

dusron ke gham men bhi ranjur ho jaata huun main

mujh ko ‘atish’ bada-o-saghar se ho kya vasta?

un ki ankhen dekh kar makhmur ho jaata huun main

More Poems

Leave a Comment