Hum to Gum Ho Gae Haalat Ke sannaTe Mein

ham to gum ho ga.e hālāt ke sannāTe meñ

ham ne kuchh bhī na sunā raat ke sannāTe meñ

harf nākām jahāñ hote haiñ un lamhoñ meñ

phuul khilte haiñ bahut baat ke sannāTe meñ

shor hañgāma sadā tabl-o-alam naqqāre

Duub jaate haiñ sabhī maat ke sannāTe meñ

raat paḌte hī har ik roz ubhar aatī hai

kis ke rone kī sadā zaat ke sannāTe meñ

zehn meñ phūloñ kī mānind khilā karte haiñ

ham ne vo pal jo chune saath ke sannāTe meñ

Leave a Comment