Urooj Zaidi Badayuni
mujh ko majbur-e-sar-kashi kahiye
aap andhere ko raushni kahiye
un se bachhḌa to is azaab men huun
maut kahiye ki zindagi kahiye
sar-e-sahil bhi log pyase hain
is ko ashob-e-tishnagi kahiye
kyuun tajahul ko arifana kahun
mere chehre ko ajnabi kahiye
chaar din ki hai chandni lekin
chandni hai to chandni kahiye
maut bhi zindagi ka ik ruḳh hai
is ko me.ar-e-agahi kahiye
gham se ham be-maza nahin hote
lazzat-e-gham ko chashni kahiye
mujh ko baḳhshi hai
dost ki banda-parvari kahiye
jalta-bujhta ye kirmak-e-shab-tab
us ko pur-kar-e-sadgi kahiye
mujh ko muḌ muḌ ke dekhne vaale
kya ise tarz-e-be-ruḳhi kahiye
dhuup men saath saath saaya hai
raushni men bhi tirgi kahiye
rahbari bhi hai ham-rakab-e-uruj
us ko faizan-e-ḳhud-ravi kahiye
Leave a Reply