jo kuchh bhi hai nazar men so vahm-e-numud hai
aalam tamam ek tilism-e-vajud hai
ara.ish-e-numud se bazm-e-jumud hai
meri jabin-e-shauq dalil-e-sujud hai
hasti ka raaz kya hai gham-e-hast-o-bud hai
aalam tamam dam-e-rusum-o-quyud hai
aks-e-jamal-e-yar se vahm-e-numud hai
varna vajud-e-ḳhalq bhi ḳhud be-vajud hai
ab kushtagan-e-shauq ko kuchh bhi na chahiye
farsh-e-zamin hai saya-e-charḳh-e-kabud hai
hangama-e-bahar ki allah re shoḳhiyan
zagh-o-zaghan ka shor bhi saut-o-surud hai
Leave a Reply