poet

Wo Kahte Hain Uttho Sahar Ho Gai

vo kahte hain uttho sahar ho gai

azaan ho gai top-sar ho gai

gale se milo ab to bahr-e-khuda

tadapte mujhe raat bhar ho gai

ilahi hua jazb-e-ulfat ko kya

miri aah kyuun be-asar ho gai

zamana to ai jaan bargashta tha

tumhari bhi tirchhi nazar ho gai

hue sar katane ko tayyar ham

jo vaan tegh zeb-e-kamar ho gai

dikhai mujhe kis liye sham-e-hijr

shab-e-vasl ki kyuun sahar ho gai

mila vasl men bhi na ‘agha’ ko chain

shikayat men shab bhar basar ho gai

More Poems

Leave a Comment