Poet
qatre men dariya zarre men sahra dikha.i de
va dil ki aankh ho to tamasha dikha.i de
teri nazir husn-o-ada men koi nahin
mujh ko bata de koi jo tujh sa dikha.i de
apni bura.iyon pe agar ja.egi nazar
duniya men har koi hamen achchha dikha.i de
chhani hai is liye rah-e-dair-o-haram ki ḳhaak
shayad tumhara naqsh-e-kaf-e-pa dikha.i de
apni hayat-e-ishq pe Dalen agar nazar
na-ḳhush-gavariyon ka pulanda dikha.i de
gul ki ada chaman men ‘jamali’ hai dil-pazir
siina ho gham se chaak to hansta dikha.i de
Leave a Reply