Dil Ayubi
rah gaya ḳhvab-e-dil-aram adhura kis ka
Dhal ga.i shab to khula hai ye daricha kis ka
lamha lamha mujhe viran kiye deta hai
bas gaya mere tasavvur men ye chehra kis ka
azma.ish ki ghaḌi hai sar-e-maqtal dekhen
zer-e-ḳhanjar vahi rahta hai irada kis ka
ye jo bedar bhi hain so.e hue bhi in men
shaam kis ki hai ḳhuda jaane savera kis ka
rah-rav-e-aḳhir-e-shab hain sabhi ukta.e hue
kaun kab tak hai yahan saath bharosa kis ka
mere qatil ke tajassus men bhaTakne vaalo
ḳhuun alud hai basti men pasina kis ka
a.ina-ḳhana do-alam ko bana kar ai ‘dil’
muntazir baiTha hai varafta-o-shaida kis ka
Leave a Reply