Ata Abidi
nashat-e-kar se mahrum hi sahi ham bhi
havas se ziist kei phir bhi nahin tahi ham bhi
hamen bhi zo.am hai danishvarana mansab ka
hain mubtla-e-fareb-e-ḳhud-agahi ham bhi
hain muTThiyon men sabhi rahnuma ḳhutut agar
uTha.e phirte hain kyon bar-e-gumrahi ham bhi
hai ziist naam taghayyur ka ye suna to hai
vahi ho tum bhi vahi gham bhi aur vahi ham bhi
agar hai da.ava-e-ulfat to kyon uTha.e phiren
misal-e-munshi-o-tajir ‘ata’ bahi ham bhi
Leave a Reply