waseem-barelvi

Apne Har Har Lafz Ka Khud Aaina Ho Jaunga

apne har har lafz ka khud aina ho jaunga

us ko chhota kah ke main kaise bada ho jaunga

tum girane men lage the tum ne socha hi nahin

main gira to masala ban kar khada ho jaunga

mujh ko chalne do akela hai abhi mera safar

rasta roka gaya to qafila ho jaunga

saari duniya ki nazar men hai mira ahd-e-vafa

ik tire kahne se kya main bevafa ho jaunga

More Poems

Leave a Comment