Mustafa Rahi
na asman se shikayat na baghban se mujhe
mire junun ne nikala hai gulsitan se mujhe
gham-e-habib ye ehsan tira na bhulunga
ki be-niyaz kiya tu ne do jahan se mujhe
fareb-e-vahm-o-guman hai tilism-e-ilm-o-yaqin
ye dars-e-ḳhas mila sa.i-e-ra.egan se mujhe
baḌe maze se guzarti jo dil pe bas hota
najat milti nahin is bala-e-jan se mujhe
ye dair hai na haram us ki bazm hai ‘rahi’
azal se ek ta.alluq raha hai yaan se mujhe
Leave a Reply