Poet
duniya ke kuchh na kuchh to talabgar se rahe
ham apni hi nazar men ḳhata-kar se rahe
ik marhala tha ḳhatm hua dasht-e-ḳhvab ka
phir umr bhar jahan rahe be-zar se rahe
jur.at kisi ne vadi-e-vahshat ki phir na ki
ham ḳhasta-hal ahani divar se rahe
ik aks hai jo saath nahin chhoḌta kabhi
ham ta-hayat a.ina-bardar se rahe
har sub.h apne ghar men usi vaqt jagna
azad log bhi to giraftar se rahe
kar-e-azim kab koi qudrat men tha ‘suhail’
ham bas ufuq pe sub.h ke asar se rahe
Leave a Reply