akhtar-lakhnvi

Shahr Ka Shahr Salibon Se Saja Hai Ab Ke

shahr ka shahr salibon se saja hai ab ke

un ki aamad ka har andaz naya hai ab ke

qafila qafila maqtal ki taraf jaenge log

shoḳh pahle se bahut rang-e-hina hai ab ke

ye to sach hai vo isi raah se guzrenge magar

koi dekhe na inhen hukm hua hai ab ke

aao ji bhar ke gale mil len rafiqo ham aaj

qatl ki shakl men in.am-e-vafa hai ab ke

mausam-e-gul tire sadqe tiri aamad ke nisar

dekh mujh se mira saaya bhi juda hai ab ke

ek qatra nahin deti hai guzar jaati hai

jo bhi uThti hai ghaTa aisi ghaTa hai ab ke

dosto zikr-e-ruḳh-e-yar se ghafil na raho

dasht-e-zulmat men mahtab luTa hai ab ke

More Poems

Leave a Comment