Dil Ke Virane Mein Kuchh Phul Tamanna Ke Khile

dil ke vīrāne meñ kuchh phuul tamannā ke khile

ham bujhe log tire baaġh meñ aa jā ke khile

mausam-e-ishq kī bārish meñ nahā.e itnā

ham kisī chashm-e-tasavvur meñ bhī murjhā ke khile

aarzū hai mire marqad pe uge band kalī

tū jab aa.e to tire shauq meñ lahrā ke khule

dasht meñ shor ḳhamoshī kā sunā hai maiñ ne

aable paañv ke so.e hue ghabrā ke khule

mausam-e-dard kī āñdhī meñ tirī yaad aa.ī

ham to hijrat meñ bhī manzar tujhe chamkā ke khule

Leave a Comment