Poet
tum duur ho to pyaar ka mausam na aa.ega
ab ke baras bahar ka mausam na aa.ega
chumunga kis ki zulf ghaTaon ko dekh kar
ik jurm-e-ḳhush-gavar ka mausam na aa.ega
chhalke sharab barq gire ya jalen charagh
zikr-e-nigah-e-yar ka mausam na aa.ega
vada-ḳhilafiyon ko taras ja.ega yaqin
raton ko intizar ka mausam na aa.ega
tujh se bichhaḌ ke zindagi ho ja.egi tavil
ehsas ke nikhar ka mausam na aa.ega
Leave a Reply