is dasht-e-be-panah ki had par bhi ḳhush nahin
main apni ḳhvahishon se bichhaḌ kar bhi ḳhush nahin
ik sarḳhushi muhit hai charon taraf magar
basti men koi shaḳhs koi ghar bhi ḳhush nahin
kitne hain log ḳhud ko jo kho kar udaas hain
aur kitne apne-ap ko pa kar bhi ḳhush nahin
ye kaifiyat ghulam nahin qaid-o-band ki
andar jo apne ḳhush nahin bahar bhi ḳhush nahin
sahil ki bhigi ret pe chalta barhana-pa
main huun udaas aur samundar bhi ḳhush nahin
Leave a Reply