Jo Chahte Ho So Kahte Ho Chup Rahne Ki Lazzat Kya Jaano

jo chahte ho so kahte ho chup rahne ki lazzat kya jaano

ye raz-e-mohabbat hai pyare tum raz-e-mohabbat kya jaano

alfaz kahan se laun chhale ki tapak ko samjhaun

izhar-e-mohabbat karte ho ehsas-e-mohabbat kya jaano

kya husn ki bhiik bhi hoti hai jab chutki chutki judti hai

ham ahl-e-gharaz janen is ko tum sahab-e-daulat kya jaano

hai farq bada ai jan-e-‘raza’ dil dene men dil lene men

ulfat ka taalluq jaan ke bhi rishte ki nazakat kya jaano

Leave a Comment