Shamim Abbas
shahr men aa hi ga.e hain to guzara kar len
ab bahar-hal har ik shai ko gavara kar len
DhunDte hi rahe ghar men koi khiḌki na mili
ham ne chaha jo kabhi un ka nazara kar len
apni tanha.i ka ehsas adhura hai abhi
a.ina toḌ den saa.e se kinara kar len
apne jalte hue ehsas men tapte tapte
mom ban jaa.en ya apne ko sharara kar len
zindagi tum se ibarat hai meri jaan lekin
phir bhi hasrat hai yahi zikr tumhara kar len
Leave a Reply