Sabiha Sumbul
ye maana tum ho zamane ke ba-kamalon men
to ham bhi ḳhud ko samajhte hain be-misalon men
vafa ka naam nahin shahr ke ghazalon men
milega zahr yahan mad-bhare piyalon men
mahak uTha hai miri aarzu ka shish-mahal
ye kaun aa ke basa hai mire ḳhayalon men
hamare paas tha har baat ka javab magar
ulajh ke rah ga.e ham aap ke savalon men
ham un ke hansne ka andaz kya kahen ‘sumbul’
ki jaise duur bajen ghanTiyan shivalon men
Leave a Reply