naz-butt

Mohabbat Nur Hai Jaanan

zamana is ki khvahish men azal se chuur hai janan

mohabbat nuur hai janan

mohabbat nuur hai janan

rukh-e-mahtab se raushan nigar-e-khvab se raushan

nazar men khulne vaale sabza-e-shadab se raushan

sitaron se kahin badh kar chamak is ke jilau men hai

jo ab-o-tab hai is men kahan suraj ki zau men hai

ye nakhl-e-ishq par jaise vafa ka baur hai janan

mohabbat nuur hai janan

mohabbat nuur hai janan

ye jis dil men utar jaae use maamur kar jaae

sarapa rang kar jaae tamannaon se bhar jaae

ye aisa kaif hai jo har qadam par zindagi pur-nur karta hai

utar kar ruuh men is ke andhere duur karta hai

ye vo ehsas hai jo har ghadi bharpur hai janan

mohabbat nuur hai janan

mohabbat nuur hai janan

More Poems

Leave a Comment