Farooq Engineer
kisi ke bichhaḌne ka Dar hi nahin
safar men koi ham-safar hi nahin
bahut shauq ghar ko sajane ka tha
magar kya karen apna ghar hi nahin
abhi dil men raushan hai aisa diya
havaon ko jis ki ḳhabar hi nahin
ḳhuda jaane kaisi ḳhata ho ga.i
duaon men ab ke asar hi nahin
likhun zaḳhm ko phuul dil ko chaman
nahin mujh men aisa hunar hi nahin
sunen bhi to kya aur suna.en to kya
koi dastan muḳhtasar hi nahin
chalo aaj ‘faruq’ se bhi milen
ka.i din se us ki ḳhabar hi nahin
Leave a Reply