ye aur baat ki rang-e-bahar kam hoga
nai ruton men darakhton ka baar kam hoga
taalluqat men aai hai bas ye tabdili
milenge ab bhi magar intizar kam hoga
main sochta raha kal raat baith kar tanha
ki is hujum men mera shumar kam hoga
palat to aaega shayad kabhi yahi mausam
tire baghair magar khush-gavar kam hoga
bahut tavil hai ‘anas’ ye zindagi ka safar
bas ek shakhs pe dar-o-madar kam hoga
Leave a Reply