husn-e-nazzara sahi jalva-dar-aghosh sahi
ishq phir ishq hai be-ḳhud sahi mad.hosh sahi
kuchh nuqush aise bhi hain jo nahin miTte dil se
zindagi ishq ki ik ḳhvab-e-faramosh sahi
kuchh na kuchh sochna paḌta hai sukun ki ḳhatir
un ki mahfil na sahi maut ki aghosh sahi
aa.ina ishq-o-mohabbat ka ba-har-hal hai dil
shor-e-naghma na sahi nala-e-ḳhamosh sahi
irtibat-e-nazar-o-dil na miTa hai na miTe
main to ru-posh nahin un se vo ru-posh sahi
Leave a Reply