Poet
‘mir’ ki sadgi bayan men rakh
‘dagh’ ki dil-kashi zaban men rakh
dusron ko bhi raushni pahunche
yuun diya ghar ke darmiyan men rakh
amn aur sulh-o-ashti kya hai
ye savalat imtihan men rakh
apne purkhon ke karnamon ke
kuchh havale bhi dastan men rakh
nekiyan ab na Daal dariya men
ham faqiron ki baat dhyan men rakh
dhuup hi ab tujhe jaga.egi
koi khiḌki khuli makan men rakh
Leave a Reply