abdul-hamid-adam

Agarche Roz-e-Azal Bhi Yahi Andhera Tha

agarche roz-e-azal bhi yahi andhera tha

tiri jabin se nikalta hua savera tha

pahunch saka na main bar-vaqt apni manzil par

ki raste men mujhe rahbaron ne ghera tha

tiri nigah ne thodi si raushni kar di

vagarna arsa-e-kaunain men andhera tha

ye kaenat aur itni sharab-aluda

kisi ne apna khumar-e-nazar bikhera tha

sitare karte hain ab us gali ke gird tavaf

jahan ‘adam’ mire mahbub ka basera tha

More Poems

Leave a Comment