Hai Nasim-E-Subh Aawara Usi Ke Nam Par

Poet

hai nasim-e-sub.h avara usi ke naam par

bu-e-gul Thahri hui hai jis kali ke naam par

kuchh na nikla dil men dagh-e-hasrat-e-dil ke siva

haa.e kya kya tohmaten thiin aadmi ke naam par

phir raha huun ku-ba-ku zanjir-e-rusva.i liye

hai tamasha sa tamasha zindagi ke naam par

ab ye aalam hai ki har patthar se Takrata huun sar

maar Daala ek but ne bandagi ke naam par

kuchh ilaaj un ka bhi socha tum ne ai charagaro

vo jo dil toḌe ga.e hain dilbari ke naam par

koi puchhe mere gham-ḳhvaron se tum ne kya kiya

ḳhair us ne dushmani ki dosti ke naam par

koi pabandi hai hansne par na rona jurm hai

itni azadi to hai divangi ke naam par

aap hi ke naam se paa.i hai dil ne zindagi

ḳhatm hoga ab ye qissa aap hi ke naam par

karvan-e-sub.h yaaro kaun si manzil men hai

main bhaTakta phir raha huun raushni ke naam par