abdurrahman-wasif

Fareb-e-Zar Mohabbat-Nagar Khula Hua Hai

fareb-e-zar mohabbat-nagar khula hua hai

tumhare khvab ka mujh pe asar khula hua hai

main ud raha huun falak ta falak khumar men yuun

ki mujh pe ek jahan-e-digar khula hua hai

ajiib sada-dili hai miri tabiat men

chala safar pe huun rakht-e-safar khula hua hai

main janta huun ki kya hai ye agahi ka azaab

jo harf harf miri zaat par khula hua hai

kahan khuli hain abhi us ki hairaten mujh par

jo ik jahan vara-e-nazar khula hua hai

ik intizar men qaaem hai is charagh ki lau

ik ehtimam men kamre ka dar khula hua hai

More Poems

Leave a Comment