Poet
sakht dushvar hai pahlu men bachana dil ka
kuchh nigahon se barasta hai churana dil ka
haae dil aur dil-e-zar ke ham se bartao
aur phir tum se dil-e-zar pe aana dil ka
shama se zinat-e-pahlu hai na parvane se
tum ko manzur hai har tarah jalana dil ka
naseho zulf ke uljhav bure hote hain
kuchh hansi-khel samajhte ho chhudana dil ka
qahr dhaae tire izhar-e-tamanna ne ‘zahir’
haal kahta hai kisi se koi daana dil ka
Leave a Reply