duniya ki saltanat men ḳhuda ke ḳhilaf hain
shahr-e-charagh men jo hava ke ḳhilaf hain
farsuda-o-fuzul rivayat ke naam par
apne tamam dost vafa ke ḳhilaf hain
ḳhamoshiyon ke dasht men kyuun chiḳhte ho tum
qanun sab yahan ke sada ke ḳhilaf hain
kab se uḌa rahi hain qana.at ki dhajjiyan
ye hajaten jo sabr-o-raza ke ḳhilaf hain
insaniyat ki ḳhair ho yarab zamin par
kuchh be-shu.ur lamhe faza ke ḳhilaf hain
lab ke tamam harf hue be-asar ‘zamir’
halat-e-zindagi ke dua ke ḳhilaf hain
Leave a Reply