naved-e-amad-e-fasl-e-bahar bhi to nahin
ye be-dili hai ki ab intizar bhi to nahin
jo bhuul jaa.e koi shaghl-e-jam-o-mina men
gham-e-habib gham-e-rozgar bhi to nahin
mariz-e-bada-e-ishrat ye ik jahan kyuun hai
surur-e-bada ba-qadr-e-ḳhumar bhi to nahin
mata-e-sabr-o-sukun jis ne dil se chhin liya
vo dil-navaz ada-ashkar bhi to nahin
qafas men ji mira lag to nahin gaya hamdam
ki ab vo nala-e-be-iḳhtiyar bhi to nahin
hai ain vasl men bhi pur-ḳharosh-e-parvana
sukun-e-qalb ba-aghosh-e-yar bhi to nahin
nigah-e-naz ki be-gana-e-mohabbat hai
sitam to ye hai ki be-gana-var bhi to nahin
vo ek rahbar-e-nadan ki jis ko ishq kahen
Dubo ke kashti-e-dil sharmsar bhi to nahin
junun ko dars-e-amal de ke kya kare koi
ba-qadr-e-hausla-e-dil bahar bhi to nahin
Leave a Reply