Poet
tanhai se hai sohbat din raat judai men
kya khuub guzarti hai auqat judai men
rukhsat ho chala tha tab daman na tira thama
afsos ki malte hain ab haath judai men
kiya zikr hai aansu ka zalim miri ankhon se
khun-nab hi tapke hai yak zaat judai men
jab vasl tha un rozon yak dil hi pe aafat thi
ab jaan ka hai sauda haihat judai men
ye nala-o-zari ye khastagi o khvari
jidhar ko chalun ‘joshish’ hain saat judai men
Leave a Reply