ga.e the shauq se ham bhi ye duniya dekhne ko
mila ham ko hamara hi tamasha dekhne ko
khaḌe hain raah chalte log kitni ḳhamushi se
saḌak par marne valon ka tamasha dekhne ko
bahut se a.ina-ḳhane hain isi basti men lekin
tarasti hai hamari aankh chehra dekhne ko
kamanon men khinche hain tiir talvaren hain chamki
zara Thahro kahan jaate ho dariya dekhne ko
ḳhuda ne mujh ko bin-mange ye ne.amat di hai ‘manzar’
taraste hain bahut se log mamta dekhne ko
Leave a Reply