Gham Mein Rota Hun Tere Subh Kahin Sham Kahin

gham men rota huun tire subh kahin shaam kahin

chahne vaale ko hota bhi hai aram kahin

vasl ho vasl ilahi ki mujhe taab nahin

duur huun duur mire hijr ke ayyam kahin

lag rahi hain tire ashiq ki jo ankhen chhat se

tuj ko dekha tha magar un ne lab-e-bam kahin

ashiqon ke bhi ladane ki tujhe kya Dhab hai

chashm-bazi hai kahin bosa o paigham kahin

yamani ki si tarah lakht-e-jigar par khodun

muj ko malum agar hove tira naam kahin

hijr men us but-e-kafir ke tadapte hain pade

ahl-e-zunnar kahin sahib-e-islam kahin

aarzu hai mire ‘taban’ ko bhi ab ai qatil

ki bar aae tire hathon se mira kaam kahin

Leave a Comment