B S Jain Jauhar
jaane phir tum se mulaqat kabhi ho ki na ho
khul ke dukh-dard ki kuchh baat kabhi ho ki na ho
phir hujum-e-gham-o-jazbat kabhi ho ki na ho
tum se kahne ko koi baat kabhi ho ki na ho
aaj to ek hi kashti men hain manjdhar men ham
phir ye majburi-e-halat kabhi ho ki na ho
ahd-e-mazi ke fasane hi suna len tum ko
itni ḳhamosh koi raat kabhi ho ki na ho
jo jalata hai mire gham ke andheron men charagh
mere hathon men vahi haat kabhi ho ki na ho
Leave a Reply