Sarshar Siddiqui
kya hua ham pe jo is bazm men ilzam rahe
sahib-e-dil to jahan bhi rahe badnam rahe
koi taqrib to ho dil ke bahalne ke liye
tu nahin hai to tira zikr tira naam rahe
ham ko to raas hi aa.i kisi kamsin ki vafa
haa.e vo log mohabbat men jo nakam rahe
is irade se uThaya hai chhalakta hua jaam
ham rahen aaj ki ye gardish ayyam rahe
be-sabab koi navazish nahin karta ‘sarshar’
dekhen kya un ki inayat ka anjam rahe
Leave a Reply