ye arz-e-shauq hai ara.ish-e-bayan bhi to ho
ada-shanas to hai aankh ḳhun-chakan bhi to ho
ḳhuda ḳhafa hai to sachche hain nasehan-e-aziz
hamare lab pe kabhi shikva-e-butan bhi to ho
ye rang-o-nik.hat-o-tarkib-o-lafz ḳhira-sari
ze-rah-e-dida ba-dil-mauj-e-ḳhun-ravan bhi ho
hamen bhi naghmagari par hai naaz baat to kar
hamen bhi jaan nahin pyari hai imtihan bhi to ho
abhi to huun dar-o-divar hi se mahv-e-kalam
harif-e-daulat-e-gham koi razdan bhi to ho
qatil-e-naz huun ai va-e-e’timad-e-vafa
vo iltifat kare pahle bad-guman bhi to ho
kisi ko un se mohabbat kisi ko mujh se hasad
milen vo mujh se magar koi darmiyan bhi to ho
Leave a Reply