Jun Zarra Nahin Ek Jagah Khak-Nashin Hum

juun zarra nahin ek jagah khak-nashin ham

ai mahr-e-jahan-tab jahan tu hai vahin ham

shab halqa-e-rindan men ajab sair thi saaqi

saghar ko samajhte the mah-e-hala-nashin ham

sete hain sada rashk-e-atu-e-qalami dekh

har tar-e-sarishk apne se daman-e-zamin ham

ai rashk-e-nasim-e-sahari kyuun hai mukaddar

gulshan men tujhe dekhte hain chin-ba-jabin ham

barpa na kahin kiije ab shor-e-qayamat

vahshat-zada ai khana-e-zanjir nahin ham

sar-rishta rah-e-ishq ka ab haath laga hai

juun dana-e-tasbih na thahrenge kahin ham

le kar mah-o-khurshid ki phir tegh-o-sipar ko

ai charkh tujhe jante hain bar-sar-e-kin ham

yak dast utha levenge is safha-e-dil par

naqsh-e-qadam-e-yar ko juun naqsh o nagin ham

isa-nafas ab jald pahunch tu ki hain tujh bin

mehman koi dam ke dam-e-baz-pasin ham

kho baithe hain us ishq ke hathon se ‘nasir’ ab

hosh-o-khirad o sabr-o-qarar o dil-o-din ham

Leave a Comment