Mohammad Izhar Ul Haq
hamare sar pe koi haath tha na saaya tha
bas asman tha jise jaane kyuun banaya tha
kisi se sham-Dhale chhin gaya tha paya-e-taḳht
kisi ne sub.h hui aur taḳht paaya tha
vo ek sub.h bahut zar-fishan thi qarye par
aur ek khet bahut sabz lahlahaya tha
bas ek baagh tha paani ke jis men chashme the
aur ek ghar tha jise ḳhaak se banaya tha
pukar uTThenge nabud bastiyon ke nishan
ki us navah men koi nazir aaya tha
Leave a Reply