Seemab Akbarabadi
dil ki bisat kya thi nigah-e-jamal men
ik a.ina tha TuuT gaya dekh-bhal men
duniya kare talash naya jam-e-jam koi
us ki jagah nahin mire jam-e-sifal men
azurda is qadar huun sarab-e-ḳhayal se
ji chahta hai tum bhi na aao ḳhayal men
duniya hai ḳhvab hasil-e-duniya ḳhayal hai
insan ḳhvab dekh raha hai ḳhayal men
ahl-e-chaman hamen na asiron ka ta.an den
vo ḳhush hain apne haal men aham apni chaal men
‘simab’ ijtihad hai husn-e-talab mira
tarmim chahta huun mazaq-e-jamal men
Leave a Reply