vaqt ghamnak savalon men na barbad karen
kuchh na kuchh sai-e-ilaj-e-dil-e-nashad karen
ishq ko husn ke atvar se kya nisbat hai
vo hamen bhuul gae ham to unhen yaad karen
bastiyan kar chuke viran tire divane
ab ye lazim hai kharaba koi abad karen
tah men go hikmat-e-parvez hai raqsan lekin
kaam har ek ba-nam-e-gham-e-farhad karen
hujjat-o-illat-e-malul hai yaron men ‘sahar’
be-sabab shai ka bhi koi sabab ijad karen
Leave a Reply