thi us ke liye khvab ki taabir koi hiir
karti thi na ranjhe ko jo taskhir koi hiir
hoti hai vo izzat bhi vo beti bhi haya bhi
kyuun pahne faqat ishq ki zanjir koi hiir
is darja tumhen pas-e-zamana hai bhala kyuun
kya tum na karoge kabhi taamir koi hiir
ilzam to aata hai faqat ishq ke sar hi
ranjhan ki to karti nahin tahqir koi hiir
tu bhi to kabhi soch miri zaat ke mehvar
kya aap hi karti rahe tadbir koi hiir
ab kaun sunaega ‘rabab’ ishq-sahifa
karti jo nahin ab koi tafsir koi hiir
Leave a Reply