Main KHush Hun Aur Ye Duniya Dukhi Hai

maiñ ḳhush huuñ aur ye duniyā dukhī hai

mujhe is baat par sharmindagī hai

tumhāre sāmne raste khule haiñ

hamāre sāmne andhī galī hai

mirā bistar bhī āḳhir pūchh baiThā

tumhārī niiñd se kyā dushmanī hai

hameñ bhī aur kuchh kahnā nahīñ hai

use jaane kī bhī jaldī baḌī hai

samundar is liye mujh se ḳhafā haiñ

mirī ik jal-parī se dostī hai

Leave a Comment