vo the pahlu men aur thi chandni raat
hamari zindagi thi bas vahi raat
ajab chashmak-zani thi vasl ki raat
nazar un ki thi aur taron-bhari raat
nigah-e-mast un ki keh rahi hai
kahin hoti rahi saqi-gari raat
abas hai vada-e-farda tumhara
mariz-e-ishq ki hai aḳhiri raat
kisi ne vada-e-farda kiya hai
hamen mar kar basar karni paḌi raat
‘tabassum’ se kisi ke ban ga.i thi
miri ḳhalvat sarapa chandni raat
Leave a Reply