aa.iye ro len kahin rone se chain aa ja.ega
varna dard-e-dil bhari mahfil men pakḌa ja.ega
chand ki chahat hai lekin chand ko kam dekhiye
varna jab ankhon men bas ja.ega gahna ja.ega
jumbish-e-mauj-e-saba se bhi agar lab hil ga.e
baat pakḌi ja.egi mahshar uThaya ja.ega
sardiyon ki os men ThiThura hua ik ajnabi
kal tiri divar ke saa.e men paaya ja.ega
diid ki mohlat to milti hai magar kya dekhiye
aankh bujh ja.egi aḳhir phuul kumhla ja.ega
ai saba fursat nahin ḳhakistar-e-dil se na khel
ham agar ro.e to phir ta-der roya ja.ega
Leave a Reply