Yun Guzre Chaman Se Ki Gulistan Nahin Dekha

yuuñ guzre chaman se ki gulistāñ nahīñ dekhā

kāñToñ pe chale aur bayābāñ nahīñ dekhā

us sham.a pe jalne ko taḌapte haiñ patañge

jis sham.a ko āñkhoñ se farozāñ nahīñ dekhā

raqsāñ hai yahāñ nūr-ba-kaf jalva-e-jānāñ

kyā tū ne abhī dīda-e-hairāñ nahīñ dekhā

hone ko to thā ‘nūr’ ke dil meñ bhī baḌā dard

lekin kabhī chehre se numāyāñ nahīñ dekhā

Leave a Comment