ye apna shahr jo hai dasht-e-be-aman hi to hai
is e’tibar se dil dard ka makan hi to hai
nahin hai pursish-e-ahval ke liye koi
bas ek majma.a-e-arvah-e-raftagan hi to hai
ye dastan-e-tamanna ajab sahi phir bhi
bhula hi dega zamana ki dastan hi to hai
ye aur baat abhi inqalab aa jaa.e
hayat varna abhi tak vabal-e-jan hi to hai
sukun ka ek bhi lamha ho kyuun muqaddar men
ye ahd-e-zist bhi daur-e-sitam-garan hi to hai
rula diya hai ghaTa ke suluk ne ‘bedi’
magar ye tishna-labi ek imtihan hi to hai
Leave a Reply