Rahman Hafeez
ye amal mauja-e-anfas ka dhoka hi na ho
zindagi ishrat-e-ehsas ka dhoka hi na ho
jaise ik ḳhvab hua ahd-e-guzishta ka sabat
dam-e-a.inda miri aas ka dhoka hi na ho
ye nagin bhi na ho bas mo.ajaza-e-tar-e-nazar
ye hunar shisha-o-almas ka dhoka hi na ho
mire taḳh.il ke hi aks na hon sabza-o-gul
dahr auham ka vasvas ka dhoka hi na ho
har yaqin men jo nikalta hai guman ka pahlu
ye miri aql ke ḳhannas ka dhoka hi na ho
Leave a Reply