Salam Machhli Shahri
ye abr-o-bad ye tufan ye andheri raat
ab ek moḌ pe aa ja rafiq-e-rah-e-hayat
hava ke dosh pe mauj-e-ajal ḳhiraman hai
mariz-e-dahr pe taari hain naza.a ke lamhat
hayat ek taḳhayyul nahin haqiqat hai
mujhe bata.i hai aadam ke azm ne ye baat
mire rafiq mohabbat ke din bhi a.enge
vahi hasin savera vahi kunvari raat
vahi gulab ke mausam vahi sharab ke daur
vahi sharir ghaTa.en vahi bhari barsat
suna.i ja.egi koyal ko ham-nava kar ke
hasin phulon ko bhaunron ki ek raaz ki baat
ghazal ki Daal saja kar chaman ki dulhan ko
‘salam’ nazr karega suhag ki saughat
Leave a Reply